Հայտնում ենք Ձեզ, որ <<Գառնի Ինվեստ>> ՈՒՎԿ ՓԲԸ-ն նախքան վարկային պայմանագրի կնքումը իր հաճախորդներին տրամադրում է տվյալ վարկատեսակի գծով վարկավորման էական պայմանները ներկայացնող անհատական թերթիկ՝ համաձայն ՀՀ Կենտրոնական բանկի խորհրդի կողմից հաստատված <<Բանկի և ավանդատուի, կրեդիտավորողի և սպառողի հաղորդակցման կարգը, պայմանները, ձևերը և նվազագույն պահանջները>> կանոնակարգ 8/05-ի:

<<Գառնի Ինվեստ>> ՈՒՎԿ ՓԲԸ-ի կողմից վարկերը կարող են տրամադրվել ինչպես ամբողջությամբ՝ վարկային կոմիտեի կողմից հաստատված գումարի չափով, այնպես էլ՝ մաս-մաս: Ընկերությունը վարկերը տրամադրում է ՀՀ առևտրային բանկերի՝ <<Գառնի Ինվեստ>> ՈՒՎԿ ՓԲԸ-ին սպասարկող հաշիվներից:

<<Գառնի Ինվեստ>> ՈՒՎԿ ՓԲԸ-ի կողմից տրամադրված վարկի մայր գումարը և տոկոսագումարները մարվում են համաձայն <<Գառնի Ինվեստ>> ՈՒՎԿ ՓԲԸ-ի և վարկառուի միջև կնքված վարկային պահմանագրի: Վարկի տոկոսագումարի վճարումը կատարվում է յուրաքանչյուր ամիս, իսկ մայր գումարի վճարումը կարող է կատարվել ինչպես պարբերական սկզբունքով, այնպես էլ հատուկ գրաֆիկի համաձայն:

<<Գառնի Ինվեստ>> ՈՒՎԿ ՓԲԸ-ի կողմից գրավով ապահովված վարկերի տրամադրման դեպքում տրամադրվող վարկի հարաբերությունը գրավադրվող գույքի գնահատված արժեքին չպետք է գերազանցի 50 (հիսուն) տոկոսը:

Վարկի տրամադրման (մերժման) որոշումը կայացվում է Ընկերության վարկային կոմիտեի կողմից վարկավորման համար անհրաժեշտ բոլոր փաստաթղթերը ներկայացնելու պահից 2 (երկու) աշխատանքային օրվա ընթացքում: Ուսումնասիրության ընթացքից ելնելով՝ վերոնշյալ ժամկետը կարող է երկարաձգվել, բայց ոչ ավել, քան 3 (երեք) աշխատանքային օրով: Վարկային մասնագետը անհապաղ քայլեր է ձեռնարկում վարկային կոմիտեի որոշման մասին հաճախորդին տեղեկացնելու ուղղությամբ: Դրական որոշում կայացնելու դեպքում վարկառուի հետ կնքվում է վարկային, իսկ երաշխավորների հետ՝ երաշխավորության պայմանագրեր, որից հետո կատարվում է վարկի տրամադրումը համաձայն վարկային պայմանագրում նշված ժամկետների:

Սպառողական վարկերի պայմաններին կարող եք ծանոթանալ նաև ՛՛Ֆինանսներ բոլորի համար՚՛՛ www.abcfinance.am ինտերնետային կայքի ՛՛Ֆինանսական օգնական՛՛ համակարգի միջոցով: