Սա ուղղակի հրաշալի գաղափար է: Շատ գեղեցիկ, ինքնատիպ և ընդհանրապես տարածաշրջանում շատ նորարարական գաղափար է և վստահ եմ, որ այն մեծապես նպաստելու է Հայաստանում զբոսաշրջության զարգացմանը: Վստահ եմ, որ 3 տարի անց այս գեղեցիկ համալիրի բացման արարողությանը մենք նույնպես ներկա կլինենք: Հատուկ շնորհակալություն եմ հայտնում Գագիկ Ծառուկյանին, նա մեծ գործեր է անում իր երկրի ու ժողովրդի համար:

Ես շատ ուրախ եմ, որ մեր երկրում էլ կլինի Հիսուս Քրիստոսի արձանը, քանի որ ամեն առավոտ բոլորս արթնանալուց օրհնյալ տեր մեր Հիսուս Քրիստոս բառը արտասանում ենք: Արձանի կառուցումը նաև բարոյահոգեբանական առումով մեծ դերակատարում է ունենալու:

Անչափ ուրախ եմ, որ մեր երկրում՝ քրիստոնեությունն առաջինը որպես պետական կրոն ընդունած Հայաստանում կանգնեցվելու է աշխարհում ամենաբարձր Հիսուս Քրիստոսի արձանը: Կարծում եմ անգամ, որ սա ուշացած նախաձեռնություն է: Բայց ինչպես ասում են՝ լավ է ուշ, քան երբեք:

Կարծում եմ սա այնպիսի վեհ գաղափար է, որին մասնակից դառնալու և թեկուզ մի քար դնելու ցանկություն կունենան բոլորը: Եղել եմ Լիբանանում ու շատ վեհ զգացողություն եմ ստացել Հիսուս Քրիստոսի արձան այցելելիս: Աշխարհի տարբեր անկյուններից մարդիկ գալիս էին տեսնելու այդ հրաշալիքը: Վստահ եմ, որ Հայաստանում կառուցվելիք Հիսուս Քրիստոսի արձանը ևս դառնալու է մեր երկրի այցեքարտերից մեկը: